İş barədə məlumat Şirkət: MinVolt Yer: Bakı İş formatı: Tam iş günü Sahə: Elektrikli velosipedlər, şəhər logistikası, servis əməliyyatları, IoT, batareya infrastrukturu Əməkhaqqı: Müsahibə əsasında Şirkət haqqında MinVolt Bakıda kuryerlər üçün elektrikli velosipedlərin icarəsi və servis infrastrukturu ilə məşğul olan e-mobility şirkətidir. Biz kuryerlərə sadəcə velosiped vermirik — biz tam işlək nəqliyyat sistemi qururuq: elektrikli velosipedlər, batareya dəyişmə məntəqələri, IoT izləmə, texniki servis, ehtiyat hissələri və operativ dəstək. Hazırda məqsədimiz servis prosesini daha sistemli qurmaq və gələcəkdə bu modeli başqa şəhərlərə və partnyorlara genişləndirməkdir. Buna görə bizə sadəcə “velosiped ustası” yox, texniki düşüncəsi olan, öyrənməyə açıq və servis istiqamətini böyüdə biləcək mühəndis tipli komanda üzvü lazımdır. Vəzifə haqqında Biz Technical Operations Engineer axtarırıq. Bu rolun əsas məqsədi elektrikli velosiped parkının texniki vəziyyətini idarə etmək, servis proseslərini sistemləşdirmək, nasazlıqları analiz etmək, ehtiyat hissələrinin idarə olunmasına kömək etmək və istehsalçılarla texniki kommunikasiyada iştirak etməkdir. Bu iş yalnız təmir etməkdən ibarət deyil. Burada əsas məsələ texniki problemləri anlamaq, səbəblərini tapmaq, məlumatları toplamaq, prosesi yaxşılaşdırmaq və gələcəkdə servis sistemini böyüdülə bilən biznes vahidinə çevirməkdir. Müraciət: CV və hansı texniki sahəyə marağınız olduğunu [email protected] ünvanına göndərin. Tələblər * Mühəndislik, texniki, mexanika, elektrik, elektronika, avtomatlaşdırma, mexatronika, nəqliyyat mühəndisliyi və ya oxşar sahə üzrə təhsil arzuolunandır * Texniki düşüncə və problemləri səbəb-nəticə prinsipi ilə analiz etmək bacarığı * Elektrik, mexanika, batareya, motor və sensor sistemlərinə maraq * Excel / Google Sheets ilə işləmək bacarığı * Sadə texniki hesabat yazmaq və məlumatları strukturlaşdırmaq bacarığı * İngilis dili ən azı texniki sənədləri oxumaq və yazışmalarda iştirak etmək səviyyəsində olmalıdır * Rus dili üstünlükdür * Velosiped, skuter, motosiklet, avtomobil, elektronika və ya texniki servis təcrübəsi üstünlükdür * Əllə işləməkdən və real texnika ilə məşğul olmaqdan çəkinməmək * Öyrənməyə açıq olmaq və uzunmüddətli inkişaf istəyi * Səliqəli, məsuliyyətli və sistemli yanaşma Bu vakansiya xüsusilə aşağıdakı şəxslər üçün uyğundur: * Gənc mühəndislər * Yeni məzun olmuş texniki ixtisas sahibləri * Elektronika, mexanika, robototexnika və ya avtomatlaşdırma ilə maraqlanan şəxslər * Velosiped/skuter/moped texnikasını öyrənmək istəyən texniki düşüncəli namizədlər * Startap mühitində real texniki sistem qurmaq istəyən insanlar * Sadəcə icraçı yox, gələcəkdə istiqamət rəhbəri olmaq istəyən namizədlər Öhdəliklər * Elektrikli velosipedlərin texniki vəziyyətinə nəzarət etmək * Servis prosesinin qurulmasında və inkişafında iştirak etmək * Nasazlıqları qeydiyyata almaq, səbəblərini analiz etmək və təkrarlanan problemləri müəyyənləşdirmək * Velosipedlərin təmir tarixçəsini, ehtiyat hissələrinin istifadəsini və texniki statusunu izləmək * Ustalarla birlikdə diaqnostika və təmir prosesində iştirak etmək * Təmir və texniki baxış üçün sadə və aydın checklist-lər hazırlamaq * Yeni gələn velosiped və ehtiyat hissələrinin keyfiyyət yoxlamasında iştirak etmək * Çin istehsalçıları və digər təchizatçılarla texniki məsələlər üzrə kommunikasiyaya dəstək vermək * Zəmanət halları, istehsal qüsurları və konstruksiya problemləri üzrə hesabatlar hazırlamaq * Ehtiyat hissələrinin minimal stok səviyyəsini və sifariş ehtiyaclarını izləmək * Alternativ ehtiyat hissələri və yeni texniki həllər üzrə araşdırma aparmaq * Batareyalar, controller, motor, əyləc sistemi, konnektorlar və IoT avadanlıqları üzrə baza səviyyəsində diaqnostika aparmağı öyrənmək * Gələcəkdə servis komandasının və servis standartlarının qurulmasında iştirak etmək
Son yenilənmə: -